HAPEN RREGJISTRIMET PËR TË MËSUAR GJUHËN SHQIP NË MONTREAL
– JU MIRËPRESIM
Rregjistrimet bëhen këto dy javë duke filluar nga data 28 Janar 2024 deri në datën 10 Shkurt 2024.
Përshëndetje të dashur bashkatdhetarë, fëmijë e prindër!
Shoqata Kulturore Shqiptare e Montrealit ka kënaqësinë t’ju njoftojë se klasa « Mësoj Shqip » e Projektit 7 fillon rregjistrimin e fëmijeve të grupmoshës 5-12 vjeç, të shtunën në datën 3 Shkurt 2024.
Prindërit dhe fëmijet janë të mirëpritur të asistojnë në ceremoninë e hapjes si dhe për të bërë rregjistrimin e fëmijëve në këtë program, ditën e shtunë datë 3 shkurt në orën 10-12 në adresën e mëposhtme :
Salla 601-3
Centre de ressources communautaires de Côte des Neiges
6767 Chemin de la Côte-des-Neiges,
Montréal, QC H3S 2B6, CA
Në pamundësi për të kryer rregjistrimin në datën 3 Shkurt 2024 fizikisht, rregjistrimi elektronik mund të bëhet edhe duke kontaktuar nga sot Sekretaren e Kryesisë së Shoqatës Znj. Anila Hasko në numrin e telefonit:
(514) 883-3919.
Klasa « Mësoj Shqip » fillon mësimin e saj të parë të shtunën në daten 10 shkurt dhe do të vazhdoj për ç’do të shtunë në orën 10-12 në adresën e mësipërme. Programi i këtij sezoni shtrihet deri në 29 Qershor 2024 dhe është falas.
Kryesia e Shoqatës Kulturore Shqiptare të Montrealit falenderon:
• Ambasadên e Republikës së Shqipërisë në Ottawa për mundësimin e Abetareve dhe librave për fëmijë.
• Qëndrën Komunitare Cote-des-Neiges që mundësoi lokalin për kryerjen e mësimit dhe të aktiviteteve të tjera që do të zhvillohen të shtunave nga ora 9-15.
• Emisionin e Radios Centre-Ville 102.3 FM në shqip “Aromë Shqipërie” dhe veçanërisht Z. Shkëlqim Tola për përpjekjet e rikthimit të Projektit të mësimit të gjuhës shqipe.
• Mësuesen Marjana Dumani që mori përsipër këtë detyrë të rëndësishme e të bukur.
• Anëtaren e Shoqates sonë Znj. Arta Koçollari që do tê jetë koordinatorja e këtij programi.
Dhe mbi të gjitha ju falënderojme juve, prindërve atdhedashes, që edukoni fëmijët me dashurinë për gjuhën tonë të bukur e të veçantë, e cila do u hapë dritaren e mësimit të kulturës sonë, të këngëve tona, traditave tona të bukura.
Suksese fëmijëve të klasës “Mësoj Shqip”!
Rregjistrimet për në Klasën Shqipe janë hapur dhe po afron afati i fillimit. Projekti 7 i mësimit të gjuhës shqipe fillon të shtunën në daten 10 shkurt. Rregjistrimi per klasen « Mësoj shqip » që është e nivelit fillestar, fillon të shtunën në datën 3 shkurt fizikisht në ambientet e klasës.
Ekipi i Shoqatës Kulturore Shqiptare të Montrealit me iniciativen e Emisionit të Radios Centre-Ville 102.3 FM në shqip “Aromë Shqipërie” arriti te realizoje Projektin 7 « Mësoj Shqip ».
