Të dashur bashkatdhetarë, prindër e fëmijë, të shtunën në datën 14 shator fillon sezoni i ri i Shkollës Shqipe « Naim Frashëri » në Montreal.
Informacione për rregjistrimin
Te shtunën, në datën 14 shtator, Shkolla Shqipe « Naim Frasheri” mirëpret fëmijët dhe prindërit për hapjen e sezonit te ri 14 shtator – 14 dhjetor 2024. Kjo shkollë ka për qëllim ruajtjen dhe promovimin e gjuhës dhe kulturës sonë të pasur tek brezat e rinj.
- Ora 1 pasdite – regjistrime, prezantime me mësueset, ndarja e fëmijëve ne klasat përkatëse
- Ora 2 deri 4 pasdite – mësimi i pare
- Klasa e moshës 5-8 vjeç me mësuese Valmira Tulejmat
- Klasa e moshës 9-12 vjeç me mësuese Mimoza Fesati
Pagesa për sezonin shtator-dhjetor 2024 është 100$/për fëmijën e parë (20% ulje për fëmijët e tjerë të njëjtës familje)
Vendndodhja :
- Centre des Ressources Communautaire de Côte-des-Neiges
- 6767 chemin de la Côte-des-Neiges, Salla 601, 603 Montréal QC H3S 2T6
Sezoni shkurt-qershor 2024 ishte një sukses dhe Shoqata mbuloi me fondet e saj koston e shkollës (një pagesë simbolike për mësueset), duke bërë të mundur që ai sezon të ishte falas për fëmijët.
Materiali mësimor u dhurua nga Ambasada e Shqipërisë në Otava dhe sallat na u dhanë falas nga Centre des Ressources Communautaire de Côte-des Neiges. Meqenëse kostoja që mbulon Shoqata është e konsiderueshme për fondet e saj, Kryesia e Shoqatës vendosi që tē ketë një kontribut nga prindërit duke filluar nga ky sezon i shtatorit.
Sipas fjalës se urtë “Duhet një fshat për të rritur një fëmijë” edhe ne ju ftojmë te gjithëve në fillimin e një iniciative të rëndësishme për mbështetjen e shkollës shqipe “Naim Frasheri” në Montreal, Kanada. Një kontribut financiar, sado i vogël, është një hap përpara në sigurimin e një edukimi të cilësisë së lartë për fëmijët tanë.
Informacione për kontribut financiar
Ne jemi të lumtur të njoftojmë fillimin e një iniciative të rëndësishme për mbështetjen e shkollës shqipe në Montreal, Kanada. Një kontribut financiar, sado i vogël, është një hap përpara në sigurimin e një edukimi të cilësisë së lartë për fëmijët tanë.
Për dhurate financiare mund te bëni derdhjen direkt ne llogarinë e Shoqatës ne adresën : Association Culturelle Albanaise Montreal shkshmantar@gmail.com , duke shënuar “dhurate për Shkollën Shqipe” ne mesazhin qe do shoqërojë derdhjen.
Për më shumë informacion mbi mënyrat e dhurimit dhe për të bërë dhuratat tuaja, ju lutemi të kontaktoni:
Anila Hasko
(514) 883-3919
shkshmtl@gmail.com
Së bashku, mund të bëjmë një ndryshim të madh për komunitetin tonë dhe të ardhmen e fëmijëve tanë!
Me respekt dhe mirënjohje,
Shoqata Kulturore Shqiptare Montreal