Përfundon me sukses semestri i parë i shkollës shqipe “Naim Frashëri”. Rreth 20 fëmijë të moshave 5-12 vjeç përfunduan me sukses ciklin e parë.
Cikli i ri do të rifilloj në Shtator 2024. Prindërit e interesuar të na kontaktojnë për të rregjistruar fëmijët e tyre pasi vëndet do të jenë të limituara.
Gjatë këtij semestri fëmijët patën mundësi jo vetëm të mësojnë shkronjat e alfabetit, por edhe të mësojnë vjersha në gjuhën shqipe. Grupi i avancuar pati mundësi të lidhet me një klasë në Shqipëri dhe fëmijët të komunikojnë me fëmijë të tjerë shqiptarë. Projekt i pëlqyer shumë nga prindërit.
Falenderojmë në mënyrë të veçantë të gjithë ata që bënë të mundur realizimin e projektit: Anila Hasko për koordinimin, mësueset Mariana Dumani dhe Valmira Tulejmat Lami, ndimëset vullnetarë Ornela Bregu dhe Arta Elezi, qendrën komunitare Côte-des-neiges, Radio Aromë Shqiprie.
Foto janë publikuar me lejen e prindërve.