Klubi i biçikletave të Shoqatës Kulturore Shqiptare organizon të dielën falas një xhiro me biçikleta, nisja në mesditë nga Park Faubourgs destinacioni Pista e Formula 1 “Gilles Villeneuve” 8 km e gjatë në një drejtim me pushim dhe 8 km në kthim. (Mjetet e domosdoshme veshje praktike, kokore dhe biçiklet)
Pista Gilles-Villeneuve Pista Gilles-Villeneuve është një pistë garash e Formula 1 me një gjatësi 4,361 metra që ka pritur çmimin e madh të Kanadasë që nga viti 1978. Pista Gilles-Villeneuve njihet për sipërfaqen e tij të lëmuar dhe me cilësi të lartë të asfaltit, e cila mirëmbahet me rigorozitet në mënyrë që të plotësojë kërkesat e Federatës Ndërkombëtare të Automobilave (FIA) duke promovuar performancën ekstreme të makinave me një vend gjatë garave.
Pista shumëfunksionale Pista është shumë-funksionale, jashtë garave zyrëtare, pista është një strukturë unike në Quebec ku entuziastët e çiklizmit, para-çiklizmit, patinazhit në linjë dhe vrapimit vijnë për t'u stërvitur. E rrethuar me kopshte, me natyrë të bollshme dhe disa vepra të artit publik, pista është një vend i këndshëm dhe relaksues, ku është mirë të shëtisësh. Kjo rrugë multifunksionale ofron gjithashtu një pamje mahnitëse të Montrealit, falë vendndodhjes së saj strategjike në zemër të lumit St. Lawrence. Zona e shërbimit Ndodhet në krahun e majtë te hyrjes së pistës Gilles-Villeneuve, zona e shërbimit ofron tualete, ujë të pijshëm dhe një stacion vetë-shërbimi riparimi për biçikleta me disa mjete që mund të jenë të dobishme në rast të një problemi gjatë xhiros tuaj në pistë.
